Contacontos en Libros para soñar

O soño de Matías en Libros para soñar

A libraría LIBROS PARA SOÑAR do Casco Vello de Vigo reanudará a partir de mañá, venres día 18, ás 18:30 horas, as súas sesións gratuitas de animación á lectura para público infantil a partir de 4 anos. O primeiro contacontos deste 2013 xirará en torno ao álbum titulado “O soño de Matías”, publicado por KALANDRAKA.

Esta obra do prestixioso autor e ilustrador Leo Lionni favorece o achegamento dos nenos e nenas á arte, á cor e ás formas. O seu protagonista é un rato que visita por primeira vez un museo, onde descobre a súa vocación artística.